२०७९ माघ २८, शनिबार २१:०४
कपिलवस्तुका लुम्बिनी प्रदेश सभा सदस्य विष्णु पन्थी मन्त्री बन्ने भएका छन् । नेकपा एमालेका अनुसार पन्थीलाई स्वास्थ्य मन्त्री बनाइने छ ।
कपिलवस्तु(१ ‘१’ बाट दोस्रो पटकका लागि लुम्बिनी प्रदेश सभामा निर्वाचित भएका पन्थी एमालेका केन्द्रीय लेखा आयोगका उपाध्यक्ष समेत हुन् ।
अघिल्लो कार्यकालमै मन्त्रीको चर्चा भएपनि उनी मन्त्री बन्न पाएका थिएनन् । अघिल्लो कार्यकालको पछिल्लो प्रदेश सभामा उनी सार्वजनिक लेखा समितिका सभापति भएका थिए ।
विद्यार्थीकाल देखि नै राजनीतिमा होमिएका उनी स्नातकोत्तर तहसम्मको अध्ययन गरेका छन् । बौद्धिक नेताका रुपमा हेरिएका पन्थीले आइतबार सपथ खाने गरी तयारी भएको स्रोतले जनाएको छ ।
लामो रस्साकस्सीका बीच एमालेले लुम्बिनीमा मन्त्रीको टुंगो लगाएको हो ।
