Archives

January 2021
S M T W T F S
 12
3456789
10111213141516
17181920212223
24252627282930
31  

कुवामा डुबेको अवस्थामा एक पुरुषको शव फेला 

कात्तिक २०

स्याङ्जाको कालीगण्डकी गाउँपालिका–४ बिर्घाको खर्सिङगैरास्थित गौडाकुवामा एक पुरुषको शव फेला परेको छ। गुल्मीको सत्यवती गाउँपालिका–३ ठूलोलुम्पेकका करिब ५० वर्षीय सोमबहादुर बिकको शव बुधबार फेला परेको वडा प्रहरी कार्यालय वालिङका प्रहरी निरीक्षक निरञ्जन घिमिरेले जानकारी दिए।

बिक कुवाको पानीमा डुबेको अवस्थामा भेटिएका हुन्। बिक मंगलबार राति कुवामा डुबेका हुन सक्ने प्रहरीको अनुमान छ। बुधबार बिहान स्थानीयले देखेपछि बिर्घा प्रहरी चौकीमा खबर गरेका थिए। वडा प्रहरी कार्यालय वालिङका प्रमुख प्रहरी निरीक्षक घिमिरेको नेतृत्वमा आएको टोलीले शव कुवाबाट निकाले हो।

शवलाई पोष्टमार्टमका लागि वालिङ लगिएको छ। बिक करिब १० वर्षदेखि स्याङ्जाको कालीगण्डकी गाउँपालिका–४ बिर्घामा बस्दै आएका थिए। उनी ज्याला मजदुरीमा काम गर्दथे। घटनाबारे अनुसन्धान भइरहेको प्रहरी निरीक्षक घिमिरेले बताए।

तपाइ मन पर्न सक्ने अन्य
टिप्पणीहरु
लोडिङ...