विभिन्न जिल्लामा उपनिर्वाचनका लागि उम्मेदवराी मनानयन दर्ता गर्ने रौनक

 कात्तिक २१

देशका विभिन्न जिल्लामा उपनिर्वाचनका लागि उम्मेदवराी मनानयन दर्ता गर्ने रौनक चलिरहेको छ। दाङसहित कास्की, भक्तपुर, बाग्लुङ जिल्लामा उपनिर्वाचन हुन लागेको छ ।

प्रतिनिधिसभा र प्रदेशसभा सदस्य उपनिर्वाचनका लागि आज बिहान १० बजेदेखि दिउँसो १ बजेसम्म उम्मेदवारी मनोनयन दर्ता गर्ने रौनक सहित र्‍याली भइरहदा भने देशमा अर्को चर्को विरोधको नारा घन्कीएको छ ।

काठमाडौंसहित देशका विभिन्न जिल्लामा गो ब्याक इन्डियाको नारा लागिरहेको छ । गएको शनिबार भारतले आफ्नो राजनीतिक नक्सा सार्वजनिक गरेको थियो । भारतले सार्वजनिक गरेको नयाँ नक्सामा नेपालको झण्डै ३ सय ७२ किलोमिटरभन्दा धेरै जमिन समावेश गरिएको छ ।

जसको विरोधमा देशको विभिन्न जिल्लामा विभिन्न विद्यार्थी संगठनहरुले गो ब्याक इन्डियासँगै ‘भारतीय विस्तारवाद मुर्दावाद, कालापानी हाम्रै हो, सीमा मिच्न पाइँदैन’ जस्ता नारा लगाउँदै विरोध जनाएका छन् । दार्चुला जिल्लाको कालापानी, लिपुलेक र लिम्पियाधुरा क्षेत्र भारतको नयाँ नक्सामा समेटिएपछि नेपालका विभिन्न राजनीतिक पार्टीहरुलेपनि विरोध जनाउँदै आइरहेका छन् ।

नेपाल सरकारले पनि भरतको यो कार्यप्रति आपत्ति जनाएको छ । कुटनितिक रुपमा नक्सा विवाद समाधानमा लाग्न सबैले आग्रह गरेका छन् । देशका विभिन्न ठाउँमा अनेरास्ववियु, नेविसंघले भारतले कालापानी, लिपुलेक र लिम्पियाधुरा क्षेत्र आफ्नो नयाँ नक्सामा समेटिएपछि विरोध जनाएका छन् ।

बाँकेको कोहलपुरदेखि विराटनगर, काठमाडौंलगायत अन्य जिल्लामा पनि विरोध गर्दै सडकमा विद्यार्थीले नारा लगाएका छन् ।

तपाइ मन पर्न सक्ने अन्य
टिप्पणीहरु
लोडिङ...