Archives

January 2021
S M T W T F S
 12
3456789
10111213141516
17181920212223
24252627282930
31  

ढलेका सीमास्तम्भको मर्मत सम्भार  अन्योलमा

कपिलवस्तु असोज २९ 

वर्षाका कारण कपिलवस्तुमा ढलेका सीमास्तम्भको मर्मत सम्भार कहिले सुरु हुने भने अन्योल देखिएको छ। सीमास्तम्भ निर्माणका लागि दुईपक्षीय सीमा सर्वेक्षण टोली नखटिएका कारण सीमास्तम्भ मर्मत अन्योलमा परेको हो।

गत असार र भदौमा आएको वर्षाले क्षति पुर्‍याउँदा कपिलवस्तुका २५ सीमास्तम्भ ढलेका र भत्किएका अवस्थामा छन् । असार २८ गते विजयनगर गाँउपालिका ५ स्थित चिरई खोलामा आएको बाढीले त्यहाँका ४ सिमास्तम्भ ढलेका थिए ।

त्यसैगरी केहीदिन अघि आएको वर्षामा थप २ वटा सीमा स्तम्भमा क्षतिको पुगेको सशस्त्र प्रहरी बलका एसपी जनक पुरीले जानकारी दिए। सशस्त्र बल र नेपाल प्रहरीले सीमा स्तम्भको निगरानी गर्दै आएको छ।

विजयनगर गाउपालिका–५, ठकुरापुर र भारतको बलरामपुर जिल्ला गिद्धहवा सीमामा रहेको सिमास्तम्भ नं। ५७८(७ ढलेको थियो । त्यो अझै पनि खोलामा डुबेको अवस्थामा छ। सोही सिमास्तम्भको आधा किमी उत्तर सिमास्तम्भ नं। ५७८(१० पानीमा लडेको छ। गाउपालिकाको वडा नम्बर ६ गेडुवाजोत र भारतको प्रतापपुरको सीमा रहेको सिमास्तम्भ नं। ५७७(७ र ५७७(९ ढलेका छन् ।

जिल्लाका सुरक्षा निकायसँग चारवटा सिमास्तम्भ ढलेको तथ्यांक भए पनि उता विजयनगर गाउँपालिका–१, चमरका जंगलमा अरर्रा नदीको भेलले थप २ वटा सीमास्तम्भ क्षतिग्रस्त बनेको खुल्न आएको छ ।

गुगौली रेन्जपोष्टका सशस्त्र वन रक्षक नारायणप्रसाद तिमल्सिना सहितको टोलीले साता दिन अघि सो तथ्य फेला पारेको थियो। त्यहाँ क्षति भएका सीमा स्तम्भमा नं। ५८०(३ र नं। ५८७(७ छन् । भदौमा आएको बाढीले ती दुई सीमास्तम्भमा क्षति पुगेको हो ।

सीमास्तम्भ लडेपछि पटक–पटक निरीक्षणमा पुगेको गाउँपालिकाका अध्यक्ष गोपालबहादुर थापाले बताए। उनले खोलामा आएको बाढीले सीमा स्तम्भमा क्षति पुगेको हुँदा अब निर्माण गर्दा ध्यान दिनुपर्ने बताए । छिटो निर्माण र मर्मतका लागि सशस्त्र प्रहरी र जिल्ला प्रशासनसँग अनुरोध गरेको अध्यक्ष थापाले बताए ।

सीमास्तम्भ निर्माणसँगै सो क्षेत्रमा तटबन्ध गरि नदीकटान रोक्न आवश्यक रहेको स्थानीयको माग छ । वर्षाको भेलले सीमास्तम्भ लडाएसँगै सशस्त्र प्रहरी बल र नेपाल प्रहरीले निगरानी गर्दै आएका छन्।

सीमास्तम्भ बगेलगत्तै चन्द्रौटास्थित सशस्त्र प्रहरीको प्रदेश ५ को बिन्दबासिनी बाहिनीका बाहिनीपति नारायणदत्त पौडेल र तत्कालीन सशस्त्र प्रहरी बल नेपाल २८ नम्बर गणका गणपति प्रहरी उपरीक्षक दीपक अधिकारीको टोलीले स्थलगत अवलोकन गरेको थियो।

सीमास्तम्भ ढलेको बिषयमा सम्बन्धित निकायमा जानकारी दिइएको र ढलेको स्थानको नियमित निगरानी गरिरहेको सशस्त्र प्रहरी बल नेपाल २८ नम्बर गण कपिलबस्तुका गणपति शसस्त्र प्रहरी उपरीक्षक जनक पुरीले जानकारी दिए।

तपाइ मन पर्न सक्ने अन्य
टिप्पणीहरु
लोडिङ...