Archives

January 2021
S M T W T F S
 12
3456789
10111213141516
17181920212223
24252627282930
31  

बुद्धभूमि नगरपालिकाको हिउँदे नगर सभाले भूमि सम्बन्धि समस्या समाधान गर्ने नगर प्रमुख श्रेष्ठ ।।

पौस २७ गते कपिलवस्तु

कपिलवस्तुको बुद्धभूमि नगरपालिकाको नीति केन्द्रित हिउँदे नगर सभाले सुकुम्बासी, दलित, भूमिहिन, र अव्यवस्थित बसोबासीलाई व्यवस्थापन गर्ने कामको औपचारिक रुपमा सुरुवात गरेको छ ।

भूमि सम्बन्धि समस्या समाधान आयोग संग एमओयु गरी भूमि सम्बन्धि समस्या समाधान गर्ने जिम्मेवारी पाएको बुद्धभूमिले आवश्यक बजेट विनियोजन गरी कामको औपचारिक रुपमा सुरुवात गरेको हो । नगरपालिकाका नगर प्रमुख केशव कुमार श्रेष्ठले आइतबार बसेको हिउँदे नगरसभाबाट भूमि सम्बन्धि समस्या समाधनका लागि चाहिने आवश्यक बजेट विनियोजन गरी काम थालिएको वताउनु भयो ।

नगरपालिकाले कार्यालय व्यवस्थापन, जनशक्ति परिचालन लगायतमा बजेट खर्च गर्ने यसको लागि नगरसभाले साढे २८ लाख रकम विनियोजन गरेको उहाँले बताउनु भयो । साथै हिउँदे नगरसभाबाट दुई वटा ऐन पारित भएको छ । बुद्धभूमि नगरपालिकाको वातावरण तथा प्राकृतिक स्रोतको संरक्षण सम्बन्धमा गर्न बनेको ऐन र बुद्धभूमि नगरपालिकाको सार्वजनिक निजी साझेदारी ऐन पारित भएको हो । श्रम सम्बन्धि नीति २०७७ पनि हिउँदेसभाबाट सर्वसम्मत पारित भएको प्रमुख प्रशासकीय अधिकृत अनिल पौडेलले जानकारी वताउनु भयो ।

 

चालु आवमा अहिले सम्म ठूला प्रकृतिका योजनाहरुको प्रतिस्पर्धाको माध्यमद्धारा निर्माण कार्य गराउने प्रयोजनका लागि हालसम्म २६ ओटा योजनाको लागत इस्टिमेट स्विकृत गरी ई टेण्डर मार्फत ७ करोड ९१ लाखमा ठेक्का सम्झौता भएको हिउँदे नगरसभामा जानकारी दिइएको छ ।दुई लाख सम्मका योजना कार्यान्वयनको जिम्मा वडा कार्यालयमा दिई हाल सम्म २८ वटा योजना सम्झौता भई कार्यान्वयन भएको छ भने आन्तरिक आम्दानी बढोत्तरीको अधिकतम प्रयास सुरु गरिएको नगर प्रवक्ता पवन कुमार थारुले जानकारी दिनुभयो ।

चालु आवमा औषधि खरिद भई स्वास्थ्य संस्थाहरुमा वितरण भैसकेको र प्रत्येक विहीबार कोभिड(१९ को पीसिआर जाँच सञ्चालन भैरहेको पनि प्रवक्ता थारुले वताउनु भयो । चालु आवमा हाल सम्म पूजीगत खर्त तर्फ ५।८ प्रतिशत र चालु तर्फ २२।९९ प्रतिशत खर्च भएको पत्रकार सम्मेलन मार्फत नगर प्रवक्ता थारुले जानकारी गराउनुभएको थियो ।

 

तपाइ मन पर्न सक्ने अन्य
टिप्पणीहरु
लोडिङ...