२०७९ माघ २६, बिहीबार ०९:१६
२६ माघ नारायण पाण्डे
‘सक्षम व्यवसायी, समृद्ध राष्ट्र र आत्मनिर्भर अर्थतन्त्र’भन्ने मुल नाराका साथ माघ १७ गतेदेखि सुरु भएको १३ औँ कपिलवस्तु महोत्सव कृषि, पर्यटन तथा औद्योगिक प्रदर्शनीमा दर्शकहरुको सहभागिता संगै उत्साह दिनप्रतिदिन थपिदैँ गएको छ ।जसले आयोजकलाई महोत्सव सफल हुने आशाको किरण थपेको छ ।
महोत्सवप्रति दर्शकको ध्यान केन्द्रित गर्नका लागि गरिएको नौलो प्रयासप्रति दर्शकहरु सन्तुष्ट भएका छन् । जसअन्तर्गत एउटा भिन्नप्रयास हो प्रथम कपिलवस्तु सिङ्गिङ आइडियल र ११ औँ कपिलवस्तु डान्स आइडल, डान्स आइडलको यो ११ औँ संस्करण भएतापनि यसको उत्साहमा कमि आएको छैन ।
नृत्यप्रति रुचिभएका र उचित स्थान नपाएकाहरु प्रति महोत्सवमा आयोजित डान्स आईडलले उर्जा थपेको छ । यो प्रतिष्पर्धामा निर्णायकको मुल्याङ्कन र दर्शकको भोटलाई आधार मानेर बिजेता छानिन्छ । महोत्सवमा यो भन्दा पहिलेको १० औँ संस्करणसम्म बिजेता भएका प्रतिष्पर्धीहरुले यतिबेला राम्रै प्रगति गरेका छन् ।
