२०८० बैशाख २५, सोमबार ०६:५८
लक्ष्मण सापकोटा
कपिलवस्तुको बाणगंगा नगरपालिका वडा नं। ११, ओदारी स्थित स्काईलार्क इङ्गलिस बोर्डिङ्ग स्कुलमा एक दिने आँखा परीक्षण शिविर सम्पन्न भएको छ । स्काईलार्कको आयोजना तथा जिल्ला आँखा अस्पताल तौलिहवाको सहकार्यमा आयोजित शिविरमा ८०९ जना विद्यार्थीहरुको आँखा परीक्षण गरिएको थियो । तौलिहवा आँखा अस्पतालका दृष्टि विशेषज्ञ प्रमोद यादवले विद्यार्थीहरुको दृष्टि परीक्षण पश्चात आँखा सम्बन्धि कक्षा सञ्चालन गर्नु भएको थियो ।
उक्त कक्षामा उहाँले विद्यार्थीहरुलाई बजारी खाद्य पदार्थ सेवन नगरी हरियो सागपात तरकारी तथा फलफूलको सेवन गर्ने कुरामा जोड दिँदै आखाँले गर्ने कार्य, त्यसको संरचना र आँखा र प्रकाशको सम्बन्ध आदि सम्बन्धि जानकारी समेत दिनु भएको थियो भने सो शिविरमा दृष्टि विशेषज्ञलाई अनील कुमार हरिजनले सहयोग गर्नु भएको थियो । प्राप्त जानकारी अनुसार ८०९ विद्यार्थी मध्ये २१ जना विद्यार्थीले चश्मा लगाउनुपर्ने र अतिरिक्त परिक्षणका लागि ७ जना विद्यार्थीहरुलाई जिल्ला आँखा अस्पताल तौलिहवा बोलाइएको छ ।
