२०८० असार ३, आईतवार १४:१९
पाँचथर – पाँचथरको फालेलुङ गाउँपालिकामा पहिरोमा पुरिएकी ९ वर्षीया बालिकाको जीवितै उद्धार गरिएको छ ।
फालेलुङ-३ खोलाघारीमा मनप्रसाद राईको घरमा पुरिएकी जुना सावदेनको आज बिहान ७ बजे स्थानीयले जीवितै उद्धार गरेका हुन् ।
मध्यरातमा घर माथिबाट खसेको पहिराेले मनप्रसादको घर बगाएको थियो । मनप्रसाद र उहाँकी श्रीमती भागेर ज्यान बचाउन सफल भए पनि सुतिरहेकी जुना पहिरोमा फसेकी थिइन् । बालिकाको खोजी गर्ने क्रममा बिहान जीवितै उद्वार गरिएको फालेलुङ गाउँपालिकाका अध्यक्ष वीरविक्रम थाम्सुहाङले बताउनुभयो ।
अविरल वर्षासँगै आएको बाढीमा पर्दा फिदिम नगरपालिका-४ हेवा खोला र माँझीटार क्षेत्रका ५ जना बेपत्ता छन् ।
