२०८० भाद्र १३, बुधबार २०:३४
कपिलवस्तु- समाचार लेखेको विषयलाई लिएर आफनो फेसबुक मार्फत पत्रकारको चरित्र हत्या गर्ने अर्घाखाँचीका खडानन्द भुषाललाई प्रहरीले पक्राउ गरेको छ ।
केही दिन अघि जग्गामा किन बेचको नाममा वाणगंगाकी राधिका भण्डारीलाई ठगि गरेको विषयलाई लिएर समाचार लेखेका पत्रकार गणेश पोख्रेलका विरुद्ध अर्घाखाचीको सन्धीखर्क नगरपालिका २ का भुषाले फेसबुकमा उनले रकम मागेको भन्दै आरोप लगाएर घटनामा सम्लघन नभएकी उनकी दिदीको समेत फोटो आफनो फेसबुकको वालमा पोष्ट गरेर पत्रकार पोख्रेल र उनीकी दिदीको चरित्र हत्या गर्ने काम गरेका थिए । समाचार लेखे कै भरमा आफनो परिवारका सदस्य उनीबिरुद्ध चरित्र हत्या गर्ने काम गरेकोले भुषाल बिरुद्ध साईवर अपराध मुद्धा दायर गर्न प्रहरी कार्यालय पोख्रेल पुगेका थिए ।
पत्रकार पोख्रेललाई आफनो जग्गाको कारोवारको बिषयमा समाचार प्रकाशन गरेको भन्दै उनी निकट ब्याक्ती ले रातको समयमा पत्रकार पोख्रेललाई पटक पटक फोन गरि किन त्यो समाचार प्रकाशन गरेको त्यो समाचार डिलिट गराउनका लागि बिभिन्न धाक धम्की समेत दिए । भुषालले आफु कुनै समस्यामा परेमा म पत्रकार हु भन्दै बिभिन्न ठाउँमा बोल्ने गरेको पाईएको छ ।
उनले प्रहरीमा जाहेरी दर्ता गराए लगतै प्रहरीले उनलाई खोजी कार्य जारी राखेको अवस्थामा रुपन्देहीको सैनामैनामा रहेको एक होटलमा बसि रहेको अवस्थामा बिशेष सुराकीको आधारमा प्रहरीले पक्राउ गर्न सफल भएको थियो । भने आश्यक कारवाहीका लागि जिल्ला प्रहरी कार्यालय तौलिहवाको थुनामा पठाईएको ईलाका प्रहरी कार्याल पिपराका प्रहरी निरिक्षक गोपाल रायमाझीले जानकारी दिएका छन् ।
उनलाई सामाजिक अपराध तथा नैतिकताको विरुद्धको कसुरमा मुद्धा चलाईने र आम सर्वसाधारण वा सामाजिक पदधारण गरेको व्यक्तिका बिरुद्धमा बिना प्रमाण चरित्र हत्या गर्ने मनोसायले कुनै पनि व्यक्तिको पारिवारीक तथा सामाजिक प्रतिष्ठा माथि आच आउने खालका कुराहरु सामाजिक सञ्जालमा लेखेमा जो कोहीलाई पनि कानुन बमोजीम कारवाही हुने जिल्ला प्रहरी कार्यालयका प्रहरी उपरिक्षक प्रेम बहादुर बस्नेतले जानकारी दिनु भयो ।
