२०८० आश्विन ९, मंगलवार ०७:४२
कपिलवस्तुको बाणगङ्गा नापतौलका यन्त्र दर्ता तथा नवीकरण र जाँच गर्ने शिविर सञ्चालन भएको छ । कपिलवस्तु उद्योग वाणिज्य संघको समन्वयमा आइतबार देखि मंगलबार सम्मको लागि नापतौलका यन्त्र दर्ता तथा नवीकरण र जाँच गरिदै छ ।
यस बाणगङ्गा क्षेत्रका उद्योगी व्यवसायहरूका लागि मध्यनजर गरेर नेपाल गुणस्तर तथा नापतौल कार्यालय बुटवलको टोलीले शिविर जारी राखेको छ । यो कार्यक्रम भोलि मंगलबार सम्म चल्ने जनाईएको छ ।
जिल्लामा व्यापार व्यवसायका लागि प्रयोगमा आउने नापतौल यन्त्र र ढक समयमा नै दर्ता तथा जाँच नगराए कानूनी कारबाही भोग्नु पर्ने नेपाल गुणस्तर तथा नापतौल कार्यालय बुटवलका निर्देशक दिपेन्द्र रोकाहा बताए ।
उनले व्यापारीले प्रयोग गर्ने नापतौल यन्त्र समयमा नै दर्ता तथा जाँच नगराएको पाइए कानुनी कारवाही हुने चेतावनी व्यापारी, व्यवसायी तथा सरोकार पक्षलाई दिए ।
तर्सथ उनले कपिलवस्तुका लागि कपिलवस्तु उद्योग वाणिज्य सङ्घमा चलेको शिविरमा आफ्ना ढक, तराजु, मिटर, लिटर लगायत नापतौल सामग्री चेकजाँच तथा प्रमाणित गर्न नछुटाउन आग्रह गरे ।
व्यापारीले ढक, तराजु, मिटर, लिटर लगायत नापतौल सामग्री नापतौल कार्यालयबाट अनुमति पाएको आधिकारिक अधिकृत बिक्रेताबाट खरीद गरी सञ्चालनमा ल्याउनुपर्ने कानूनी प्रावधान छ ।
व्यापारीले प्रयोगमा ल्याएका नापतौलका सामग्रीका लागि ३५ दिन भित्र अनिवार्य अनुमति लिनुपर्ने प्रावधान रहेको बताईएको छ ।
नापतौलमा प्रयोग हुने ढक तथा यन्त्र हरेक वर्ष जाँच गराउनुपर्ने र केही यन्त्र दुई वर्षमा एक पटक नापजाँच गरिनुपर्ने प्रावधान रहेको गुणस्तर तथा नाप तौल कार्यालयबाट शिविरमा आएको टोलीले जनाएको छ ।
