२०८० आश्विन १२, शुक्रबार १५:०७
कपिलवस्तु
सुरज अधिकारी ९सुरक्स० को ‘केटो भाग्यमानी’ सार्वजनिक हुंदैछ । अभिषेक आलेको निर्देशन तथा अभिनय र विजय सारु, विपना थापा लगायतको अभिनय रहेको उक्त गीत यहि असोज १३ गते शनिवार सार्वजनिक हुने भएको छ ।
विगत लामो समय देखि विभिन्न डान्स आईडलहरुमा प्रमुख निर्णायकको भुमिकामा रहि नृत्य प्रशिक्षक भई सांगतिक क्षेत्रमा आफ्नो अनुभव संगालेका कलाकारहरुको समुहको मेहनत रहेको ‘केटो भाग्यमानी’ सार्वजनिक हुने भएको हो । उक्त भिडियोको छायांकन तथा सम्पादन बुटवलकै उत्कृष्ट डायनामाईट प्रोडक्सनले गरेको हो ।
सुरक्स म्युजिकल युट्युव च्यानलबाट सार्वजनिक हुने उक्त भिडियोमा प्रेम सम्बन्धको बारेमा यथार्थ चित्रण गरिएको छ । त्यस्तै गाउँले परिवेशमा एक महिलालाई २ जना युवाले प्रेम गर्न खोजेको र कस्ले मन जित्ने भन्ने प्रतिस्पर्धालाई समावेश पनि गरिएको छ ।
कपिलवस्तुको बाणगंगा नगरपालिका चार नम्बर जितपुर स्थित ओएसिस सिनेमा हलमा बिहान १० बजेदेखि १२ बजे सम्म एक कार्यक्रमको आयोजना गरि उक्त भिडियो सार्वजनिक गरिने निर्देशक अभिषेक आलेले जानकारी दिनुभएको छ । साथै उक्त कार्यक्रमका लागि दर्शकहरुलाई निःशुल्क टिकट प्रदान गरिने बताईएको छ ।
