२०८० फाल्गुन २४, बिहीबार ०७:४४
कपिलवस्तु
बुधवार साझ भूमी ब्यवस्था सहकारी तथा गरिवी निवारण मन्त्री बलराम अधिकारीले मन्त्रालय पुगेर पदभार ग्रहण गरेकाछन् । पदभार ग्रहणसंगै मुलुकभरका भूमीहिन सुकुम्वासी र अब्यवस्थि बसोवासीको समस्या समाधानलाई उच्च महत्व दिएर काम गर्ने प्रतिवद्धता जनाएका छन् । बुधवार साझ नेकपा एमाले, नेकपा माओवादी केन्द्र, राष्ट्रिय स्वतन्त्र पार्टी र नेकपा एकीकृत समाजवादीका तर्फबाट १६ नयाँ मन्त्रीले पद तथा गोपनीयताको शपथ लिएका थिए ।
ती १६ नया मन्त्री मध्ये एमालेका तर्फवाट भूमि ब्यवस्था सहकारी तथा गरिबी निवारण मन्त्री बनेका बलराम अधिकारी पहिलो पटक मन्त्री बनेका हुन् । कपिलवस्तु निर्वाचन क्षेत्र १बाट प्रतिनिधिसभाको निर्वाचन २०७९मा नेकपा एमालेका उम्मेदवार बनेर अधिकारीले ततकालिन ५ दलिय सत्ता गठबन्धनका उम्मेदवार माओवादी केन्द्रका प्रभावशाली नेता चक्रपाणि खनाल९ वलदेव० लाई १८ हजार ४२९ मतान्तरले हराउँदै निर्वाचित भएका हुन् । बलरामले ३६ हजार ६१९ मत पाउँदा उनका प्रतिस्पर्धी खनालले १८ हजार १९० मत मात्र ल्याएका थिए । अत्याधिक फारकिलो जनमत र कपिलवस्तुवाट संघमा प्रत्यक्षमा २ , राष्ट्रिय सभामा १ र समानुपातिकमा ३ सांसद जितेपछि जनमतको कदरगर्दै यस अघि मन्त्री वनाउन लागेको एमालेले अन्तिममा आएर अधिकारीलाई मन्त्री बनाएको थिएन । ३ महिने कार्यकालमा मन्त्री बन्न नपाएका अधिकारी यसपाली कपिलवस्तुका तर्फवाट संघमा मन्त्री बनेका हुन् ।
