२०७९ असार ६, सोमबार १४:३६
कपिलवस्तु, ०६ असार । कपिलवस्तुको शिवराज नगरपालिका–१ मा पर्ने धानखोलामा पहिरोले बगाउँदा दुई जना भारतीय नागरिक बेपत्ता भएका छन् ।
प्युठानको स्वर्गद्वारीको दर्शन गरी लु २ ख २७१६ नम्बरको गाडीमा फर्किँदै गर्दा गाडीबाट झरेर खोला तर्नेक्रममा उनीहरुलाई पहिरोले बगाएको हो । बेपत्ता हुनेमा भारतको सिद्धार्थनगर जिल्ला बस्ने १७ वर्षका निखिल कौशाल र १८ वर्षका सुरज सोनी रहेका छन् ।
पूर्वपश्चिम राजमार्गअन्तर्गत पर्ने खोलामा भारतीय नागरिक आउँदै गर्दा अचानक पहिरो आएको वडा प्रहरी कार्यालय चन्द्रौटाले जनाएको छ ।
हराएका भारतीय नागरिकको खोजीकार्य भइरहेको वडा प्रहरी कार्यालय चन्द्रौटाका प्रहरी निरीक्षक कपिलजङ्ग शाहीले जानकारी दिनुभयो ।
