२०७९ असार २१, मंगलवार १६:४६
रामेछापबाट काठमाडौं आउँदै गरेको बस दुर्घटनामा परि मृत्यु हुनेको संख्या १३ पुगेको छ । मंगलबार रामेछापको सुनापती गाउँपालिका–५ र खाँडादेवी गाउँपालिका–१ सीमानामा भएको बस दुर्घटना भएको थियो ।
घट्नास्थलमा मृत्यु हुने ९ जनाको सनाखत खुलेको छ । मृत्यु हुनेहरुमा सुनापति गाउँपालिका वडा नं ५ का ६० वर्षीय तुला तामाङ, ३६ वर्षीय खर्क बिक, २२ वर्षीय विपना तामाङ, ३६ वर्षीय सञ्जु तामाङ गरि ४ जना एकै वडाका परेका छन् ।
त्यस्तै सुनापति वडा नं ४ का २६ वर्षीय सम्रिता तामाङ, काभ्रे पाँचखाल ८ का १८ वर्षीय सुदिप गजमेर, काभ्रे मन्दनदेउपुर ९ का ६० वर्षीय शुभलक्ष्मी मानन्धर, काभ्रेकै ४० वर्षीय कुल ब। बिक र काभ्रे रोशी ४ कै कमल तामाङ रहेको रामेछाप प्रहरी प्रमुख डिएसपी राजकुमार थिङले बताएका छन् । त्यस्तै ४ जनाको भने सनाखत हुन बाँकी छ ।
