जन आवाज

२०७९ असार ३०, बिहीबार ११:३४

कपिलवस्तु – कपिलवस्तुको बिजयनगर गाउँपालिकाले प्रदान गर्ने उत्कृष्ट पत्रकारिता पुरस्कार रेडियो शिवराजका स्टेसन म्यानेजर दिपक केसी र रेडियो बिजयनगरमा कार्यरत शम्भु विक लाई प्रदान गरेको छ । बुधवार पालिकाको ११ औ गाउँ सभाको दोस्रो वैठक अवसरमा उत्कृष्ट पत्रकार,कर्मचारीलाई सम्मान गरिएको हो । पत्रकार,स्वास्थ्कर्मी,प्राविधिक,प्रशासनिक कर्मचारी,कार्यालय सहयोगी लगाएतलाइ सम्मान गरिएको हो ।

गाउँपालिका अध्यक्ष गोपाल बहादुर थापाले गाउँपालिकाको विकास र समृद्धको लागि ठुलो योगदान गरेकोले सम्मान गरिएको थापाले बताउनुभयो । उहाँले नगरको बजेट बारे सभाका सदस्यहरुलाई जानकारी दिदै हरेक क्षेत्रवाट पालिकालाइ उत्कृष्ट बनाउने आफुनो योजना रहेको बताउनुभयो ।

उपप्रमुख लक्ष्मि कुमारी चौधरीले न्याय सम्पादनको विषयमा सभालाई जानकारी गराउनुभएको थियो । गत वर्षको अवधिमा न्यायिक समितिका परेका उजुरी र निरुपण गरेको तथ्याक सार्वजनिक गर्नुभएको थियो ।
गाउँ सभाको संचालन प्रमुख प्रशासकिय अधिकृत गोविन्द भट्टराईले गर्नुभएको थियो ।