२०७९ आश्विन २४, सोमबार १२:३८
गुल्मी,
प्रतिनिधि र प्रदेशसभा सदस्य निर्वाचनमा गुल्मी जिल्लामा केन्द्रीय नेताहरुबीच प्रतिस्पर्धा हुने भएको छ । दुई प्रतिनिधिसभा निर्वाचन क्षेत्र र चार प्रदेशसभा निर्वाचन क्षेत्र रहेको यस जिल्लामा प्रतिनिधिसभा सदस्य निर्वाचनका लागि चार केन्द्रीय नेताहरुबीच प्रतिस्पर्धा हुने भएको हो ।
प्रतिनिधिसभा सदस्यका लागि टिकट पाएसँगै यस जिल्लामा चार केन्द्रीय नेताहरुबीच प्रतिस्पर्धा हुने भएको छ । प्रतिनिधिसभा निर्वाचन क्षेत्र नं– १ मा नेपाली काँग्रेसका नेता एवम् संविधानसभा सदस्य डा. चन्द्र भण्डारी र नेकपा एमालेका केन्द्रीय उपमहासचिव प्रदीपकुमार ज्ञवालीबीच प्रतिस्पर्धा हुने भएको छ । सत्तारुढ गठबन्धनको तर्फबाट नेपाली काँग्रेसका नेता डा. भण्डारीले यस क्षेत्रमा टिकट पाउनुभएको हो ।
त्यस्तै, क्षेत्र नं– २ मा नेकपा एसका केन्द्रीय सचिव रामकुमारी झाँक्री र नेकपा एमालेका केन्द्रीय सचिव गोकर्ण विष्टबीच प्रतिस्पर्धा हुने भएको हो । यस क्षेत्रमा सत्तारुढ गठबन्धनको तर्फबाट नेकपा एसका केन्द्रीय सचिव झाँक्रीले टिकट पाउनुभएको छ ।
