जन आवाज

२०७९ कार्तिक ८, मंगलवार १४:१९

कात्तिक ८, मकवानपुर –
मकवानपुरको हेटौंडा उपमहानगरपालिका वडा नम्बर–११ नवलपुरबाट जुवा खेलिरहेका ३३ जनालाई गएराति प्रहरीले पक्राउ गरेको छ । नवलपुरको तल्लो तालमा कौडा खेलिरहेको समयमा गएराति पौने १२ बजे ३३ जनालाई फक्राउ प्रहरीले पक्राउ गरेर अनुसन्धान गरिरहेको छ ।
प्रहरीले उनीहरुको साथबाट ७३ हजार रुपैयाँ नगद रकम समेत बरामद गरेको छ ।

तिहारको बिदा भएकाले प्रहरीले मुद्धा दर्ता गर्न बाँकी रहेको छ । अदालत खुले लगत्तै मुद्धा दर्ता गरिने बताइएको छ । पक्राउ परेकाहरुको नाम अहिले सम्म पनि प्रहरीले खुलाएको छैन । पैसा हारजित हुनेगरी कौडा खेलिरहेको भन्ने सुराकीका आधारमा प्रहरीले उनीहरुलाई पक्राउ गरेको हो ।