२०७९ चैत्र २, बिहीबार ०७:३१
चौथो बाणगंगा मेयर कप फुटवल प्रतियोगिताको उपाधि वडा नम्बर १ ले जितेको छ ।
बुधवार भएको फाइनल खेलमा वडा नम्बर २ लाई १–० ले हराउँदै वडा नम्बर १ ले उपाधि चुम्न सफल भएको हो ।
वडा नम्बर १ का विशाल अधिकारीले गरेको एक गोल नै निर्णायक गोल बन्न पुग्यो ।
जितसगैं वडा नम्बर १ ले रु। एक लाख रुपैयाँ नगदसहित शिल्ड, मेडल र प्रमाणपत्र प्राप्त गरेको छ ।
त्यस्तै उपविजेता बनेको वडा नम्बर २ ले नगद रु। ७५ हजारसगैं शिल्ड, मेडल र प्रमाण पत्र प्राप्त गरेको छ ।
एक गोल गरेर १ नम्बर वडालाई उपाधि जिताउन सफल भएका अधिकारी नै फाइलन खेलका ‘म्यान अफ दि म्याज’ भएका छन ।
गत विहीवार देखि सुरु जनता मावि पिपराको खेल मैदानमा भएको खेलमा ११ वडाको सहभागीता रहेको थियो । पछिल्ला लगातार दुई उपाधि जितेको वडा नं। २ लाई वडा नं। १ ले यसपालि स्तब्ध पारेको हो ।
