२०८१ पुष ११, बिहीबार ०७:३७
टोकियो जापान।
जापान सरकारले मंगलबार वार्षिक पूर्वाधार निर्यातलाई २०३० सम्म ४५ ट्रिलियन येन ९२८६ अर्ब अमेरिकी डलर० सम्म पुर्याउने निर्णय गरेको छ। यो रणनीतिले ऊर्जा र खाद्य क्षेत्रका आपूर्ति श्रृंखलाहरूलाई सुदृढ पार्न ध्यान केन्द्रित गर्नेछ।
सरकारले २०२५ सम्म ३४ ट्रिलियन येनको निर्यात लक्ष्य हासिल गर्ने तयारी गरिरहेकाले नयाँ लक्ष्य तोकिएको हो।
प्रधानमन्त्री शिगेरु इशिबाले आफ्नो कार्यालयमा आयोजित बैठकमा भने, “सरकारले थप प्रगतिका लागि दृढताका साथ काम गरिरहोस् भन्ने मेरो अपेक्षा छ।”
जापान ऊर्जा र खाद्य जस्ता महत्वपूर्ण स्रोतहरूको लागि आयातमा धेरै निर्भर रहेकोले सरकारले यी मुख्य आर्थिक सुरक्षा क्षेत्रहरूमा पूर्वाधार निर्यात विस्तार गर्न जापानी कम्पनीहरूलाई सहयोग गर्नेछ।
यस रणनीतिमा आपूर्ति श्रृंखला पूर्वाधारलाई अन्तर्राष्ट्रिय रूपमा समर्थन गर्ने प्रतिबद्धता व्यक्त गरिएको छ। विशिष्ट उपायहरू अन्तर्गत, सरकारले विद्यमान मार्गहरूमा सम्भावित अवरोधहरूबाट जोगाउन वैकल्पिक यातायात मार्गहरूको सुरक्षा गर्ने लक्ष्य राखेको छ।
पूर्वाधार निर्यात भनेको के हो ?
पूर्वाधार निर्यात भनेको कुनै देशले आफ्नो प्रविधि, सेवाहरू, उपकरणहरू, निर्माण कार्य, तथा संरचनात्मक परियोजनाहरू अन्य देशमा निर्यात गर्ने प्रक्रिया हो।
