२०७९ माघ १८, बुधबार १६:५९
कपिलवस्तु–
कपिलवस्तुको विजयनगर गाउँपालिका वडा नं ४ सुरई खोला नजिकै गोरु काट्दै गरेको अवस्थामा ३ जना पक्राउ परेका छन । गोरु काट्दै गरेको अवस्थामा सोही ठाउँ बस्ने रमेश नेपाली, आश बहादुर रोका, देव बहादुर घर्ती मगरलाई प्रकाउ गरेको इलाका प्रहरी कार्यालयका प्रहरी निरीक्षक विजयराज तिमिल्सिनाले जानकारी दिनुभयो ।
प्रहरीले उनीहरुलाई गोरु काट्दै गरेको अवस्थामा १ थान बन्चरो, १ थान हसिँया, ३ थान खुकुरी र २ थान चक्कुसहित पक्राउ गरेको प्रहरी निरीक्षक तिमिल्सिनाले बताउनुभयो । विशेष सुराकिको आधारमा उनीहरुलाई पक्राउ गरिएको हो ।
पक्राउ परेको तिनै जनालाई थप अनुसन्धानको लागि जिल्ला प्रहरी कार्यालय तौलिहवा पठाइएको प्रहरीले जनाएको छ ।
