२०८० श्रावण ८, सोमबार १२:५३
कपिलवस्तु ।
कपिलवस्तु जिल्ला स्थित वाणगंगा ९ कैला टोलका एक युवक पछिल्लो तीन सातादेखि बेपत्ता भएका छन् । वर्ष २० का हरी सुनार भारतबाट २१ दिन देखि वेपत्ता भएको उनका परिवारले बताए ।
भारतको लुदियानाको एक होटलमा काम गर्ने उनी गत असार २ गते आफुले काम गर्ने होटलमा २ महिनाको तलब बुझेर घर जान्छु भनि साँझको समयमा हिडेको होटलका सञ्चालकले बताएका छन् ।
रोजगारीको शिलसिलामा २०७९ माघ महिनामा भारत गएका सुनारले बैशाख महिना सम्म निरन्तर घरमा पैसा पठाएको आमा कली सुनारले बताएकि छिन् । लामो समय देखि छोरो घर नआए पछि उनको खोजि चौतर्फि गरेको परिवारीक स्रोतले बताएको छ । उनको अबस्था हाल सम्म पत्ता लगाउन नसकेको परिवारले जनाएको छ ।
हरी सम्पर्क विहिन भएपछि यता घरपरिवार चिन्तामा परेका छन् । लामो समय सम्म छोरो सम्पर्क विहिन भइ पछि उनको परिवार खोजि गरीदिन आग्रह गरेको छ । हरीलाई फेला पार्ने जो कसैले पनि नजिकको प्रहरी कार्यलयमा सम्पर्क गरी सहयोग गरीदिन आग्रह समेत गरेको छ ।
