२०८० आश्विन ८, सोमबार ०८:२०
दाङ-
रोल्पाबाट दाङतर्फ आउँदै गरेको जिप आज विहान सल्यानमा दुर्घटना हुँदा २ जनाको मृत्यु भएको छ । दुर्घटनामा परी एक जना गम्भिर घाइते भएको प्रहरीले जनाएको छ ।
आज बिहान सवाँ ६ बजेको समयमा सल्यान कपुरकोट गाउँपालिका–३ चोरखोला नजिक सेतापैरास्थित राप्ती राजमार्गमा जिप दुर्घटना भएको हो । रोल्पाबाट तरकारी बोकेर दाङ तर्फ आउँदै गरेको रा १ च १०२५ नम्बरको जिप अनियन्त्रित भई सडकबाट करिब साढे ३ सय मिटर तल खसेको प्रहरीले जनाएको छ ।
मृतकहरुको सनाखत हुन बाँकी रहेको प्रहरीले बताएको छ ।
