२०८१ मंसिर ११, मंगलवार १९:५५
लक्ष्मण सापकोटा
कपिलवस्तु
वडा स्तरिय युवा क्लब बाणगंगा २ कपिलवस्तुले देउंसी भैलो बाट संकलित रकम मध्येबाट बाल ज्योती आधारभुत विद्यालयमा शैक्षिक सामाग्री हस्तान्त्रण गरेको छ । बाणगंगा २ कप्टैयामा अवस्थीत विद्यालयमा एक कार्यक्रमको आयोजना गरि शैक्षिक सामाग्री हस्तान्त्रण गरिएको हो । क्लबले १०।१० दर्जन कापी, पेन्सिल, इरेजर, कटर, २० प्याकेल कलर प्रदान गरिएको क्लबका अध्यक्ष विमल घिमिरेले जानकारी दिनुभयो । यस्तै ड्रोईङ पेपर, मार्कर र खेल समाग्री समेत हस्तान्त्रण गरिएको उहाले जानकारी दिनुभयो ।
नगरमै सबै भन्दा पछाडि परेको भन्दै उक्त विद्यालयको विकासका लागि सबै सरोकारवालाहरुको ध्यान जान आवश्कय रहेकोमा जोड दिनुभयो ।
कार्यक्रम क्वलबका अध्यक्ष विमल घिमिरेको अध्यक्षता , विद्यालयका प्रध्यानध्यापक गंगा प्रसाद चौधरीको प्रमुख आतिथ्यता, पार्वता गौतमको विशिष्ट आतिथ्यता रहेको थियो । कार्यक्रममा विद्यालयकका शिक्षक शिक्षिका, विद्यालय व्यवस्थापन समिती तथा शिक्षक अभिभावक संघका पदाधिकारी एवंम सदस्य तथा क्लबका सदस्यहरुको समेत उपस्थिती रहेको थियो ।
