२०७८ फाल्गुन २५, बुधबार १२:१३
कपिलवस्तु, २५ फागुन ।
प्रथम बाणगंगा सडक खाना महोत्सवमा चर्चीत आधुनिक तथा पक गायक सविन राई एण्ड द व्याण्ड आउने भएको छ। बाणगंगा नगरपालिकाको चार नम्बर जितपुरमा यहीँ फागुन २७ गते हुन लागेको प्रथम बाणगंगा सडक खाना महोत्सवमा सविन राई आउन लागेको सांस्कृतिक संयोजक सुजन क्षेत्रिले जानकारी दिए ।
बाणगंगा नगरपालिका वडा नः ४ द्धारा आयोजित सडक खाना महोत्सवमा २ घण्टा बढि समयसम्म आफनो प्रस्तुती दिने गरी सविन राई आउन लागेको सास्कृतिक संयोजक क्षेत्रीले बताए । गुरासको भेद मुनि सम्झनाको छाया, तिमिनै हौ सहित २ दर्जन बढि चर्चीत गित गाएका राईले सबैलाई महोत्सवमा आइसगै रमाइलो गर्न आग्रह गरेका छन । साथै उनले स्थानिय कलाकारको पनि बजोड प्रस्तुती रहने बताए ।
सडक खाना महोत्सवलाई उदारणीय बनाउन तयारीलाई तिव्रता दिइएको महोत्सवका निर्देशक शुसिल सिहं ठकुरीले बताए । ठकुरी धेरै लामो समयपछि चार नम्बर चोकमा बृहत सास्कृतिक कार्यक्रम हुन लागेकोले करिव १५ हजार बढिले महोत्सव अवलोकन गर्ने बताए ।
महोत्सवमा विविध सांस्कृतिक कार्यक्रमका साथै मगर, थारु, नेवारलगायत विभिन्न जातजातिका स्थानीय तथा मौलिक खानाका परिकार राखिने महोत्सवका निर्देशक सुशील सिंह ठकुरीले बताए । महोत्सव फागुन २७ गते शुक्रबार राखिएकोले स्थानीय तथा छिमेकी जिल्लाका परिवारसहित आएर अवलोकन र मनोरन्जन लिन सकिने निर्देशक ठकुरीले बताए ।
स्थानीय युवाहरुको सक्रियतामा उक्त महोत्सव संचालन गर्न लागिएको हो । जिल्लाको पहिचान, आर्थिक समाजिक एवं सांस्कृतिक विकासमा टेवा पुर्याउन सडक खाना महोत्सव राखिएको प्रथम वाणगंगा सडक खाना महोत्सव २०७८ मुल समारोह समितिका संयोजक बुद्धिबहादुर रोकाहा (दिनेश)ले जानकारी दिएका छन् ।
