२०७९ जेष्ठ २७, शुक्रबार १३:१३
२७ जेठ, गुल्मी । गुल्मीको छत्रकोट गाउँपालिका पल्लिकोटमा जेसीबी डोजर दुर्घटनामा चालकको मृत्यु भएको छ।
छत्रकोट गाउँपालिका वडानम्बर(२ पल्लिकोटको रातापानी भन्ने ठाउमा लु १ क ४७७१ नम्बरको जेसीबी डोजर दुर्घटनामा परेको हो ।
दुर्घटनामा परेर जेसीबी डोजर चालक दाङ जिल्ला शान्तिनगर गाउँपालिका वडानम्बर – १ निवासी ३३ वर्षका यज्ञ वलीको मृत्यु भएको जिल्ला प्रहरी कार्यालय गुल्मीका प्रहरी नायव उपरीक्षक डिएसपी माधवराज खरेलले बताए ।
जेसीबी डोजर गएराती छत्रकोटको रातापानी भन्ने स्थानबाट लुम्छातर्फ आउने क्रममा दुर्घटनामा परेको प्रहरीले जनाएको छ ।
