२०७९ कार्तिक २१, सोमबार १४:३५
२१ कार्तिक
रुपन्देहीमा माइक्रोबसले साइकललाई ठक्कर दिँदा एक युवकको मृत्यु भएको छ । सिद्धार्थनगरस्थित आवारोडमा आइतबार दिउँसो लु १ ख ६९९३ नम्बरको माइक्रोबसको ठक्करबाट गम्भीर घाइते भएका २२ वर्षीय एक युवकको गएराति भीम अस्पताल भैरहवामा मृत्यु भएको प्रहरीले जनाएको छ । बस चालकलाई प्रहरीले नियन्त्रणमा लिएको र परिचय नखुलेका ती मृतक युवकको पहिचानको खोजी भइरहेको लुम्बिनी प्रदेश प्रहरीले जनाएको छ ।
